In-Naħla Maltija għal dan il-pajjiż, hi ħafna iktar minn apikultura u ekoloġija. Fil-poeżija ‘Tingiż impotenti’, l-awtur Dylan Farrugia, ko-fundatur u amministratur tal-Fondazzjoni għall-Konservazzjoni tan-Naħla Maltija, iħaddem il-poeżija biex joħroġ il-karba ta’ ħafna dwar il-qirda ambjentali li qed naraw madwarna, imżewġa mar-rispett li jeħtieġilna jkollna lejn il-wirt naturali, li hu minsuġ sew mal-għeruq ta’ pajjiżna.
Tingiż impotenti
Awtur: Dylan Farrugia
U l-ħaddiema qamu f'daqqa – bdew jittewbu żarżir fin, Hekk kif ħarġu jdakkru l-fjuri – sagħtar silla u l-klin, U mix-xehda ħarġu joforgħu – kemm ittajru mal-irjieħ, Lebbtu lejn il-wilġa’ s-soltu – ma’ dawlet iż-żerniq, U fejn dari biswit girna – indara fidloqqom u lellux, L-ikħal isfar jgħajjat intefa – għax dis-sena baqa’ trux, U dawru r-rotta għall-ħarruba – fejnha żgur hemm il-boqxiex, Fittxew fittxew bil-bosta – imma n-nemes qallhom ma’ rajhiex, U staqsew farfett tal-fejġel – imnejn marru dawk l-ilwien, Imnejn marret il-ħarruba – mank juriehom xrara għodrien, U tgħarrfilhom bejn tilfiqa – issa iswed-griż sar moda, Imxija tar-rebgħa, qerq u sfreġju – il-ħakem anke lilu froda, U bħal vleġeġ marru l-bejta – biex ixerdu l-bxara l’ aħwa, Kif se’ nżoqqu lil uliedna – lill-ħaddiema s-saħħa il-qawwa? U rewwixta bdiet tinkalja – għadab qilla saħnu rjus, Telqu jfittxu bla ‘l fejn jafu – demm ibaqbaq rabja l-ħsus, U mostru jleqq tal-azzar sabu – pruvaw kollox biex jgħelbuh, Imma l-iskrun qas biss ta’ kashom – iqaċċat skiet għalih il-ġuħ!
Dakinhar bil-gzuz spiċċaw, ħafna naħal jaqgħu raw,
Traġedji żgħar ta’ kuljum, imma min sippost ilum?
Fil-għasel tagħha sibna, ta' pajjiżna isimna,
X’ħasra kbira inkasbruha, f'postha xieraq ngħolluha,
Ta’ dil-ħlejqa midjunin, u kull ma jmur tkompli
tnin . . .
tnin . . .
tnin . . .
Din il-kitba ġiet sottomessa fil-Konkors Nazzjonali tal-Poeżija Doreen Micallef 2024 organizzat mill-Kunsill Nazzjonali tal-Ktieb, fejn klassifikat fit-12-il post minn 58 sottomissjoni. Il-kriterji abbażi l-poeżiji ġew evalwati jinkludu; oriġinalità, teknika, forma, għażla tal-kliem u l-impressjoni tal-qarrej. It-tlett aġġukidanti kienu l-kittieba John P. Portelli, Rita Saliba u l-pubblikatur David Bezzina.
When the Maltese Honey Bee Meets Literature: Tingiż Impotenti
In Malta, the Maltese Honey Bee represents much more than apiculture and ecology. In the poem Tingiż Impotenti (Impotent Stinging), author Dylan Farrugia, co-founder and administrator of the Foundation for the Conservation of the Maltese Honey Bee, uses poetry to voice the outcry of many against the environmental destruction we see around us. His work is infused with a call for respect toward our natural heritage, which is intricately woven into the roots of our country.
This poem was submitted to the 2024 Doreen Micallef National Poetry Competition, organised by the National Book Council, where it placed 12th out of 58 submissions. The criteria on which the poems were evaluated included originality, technique, form, word choice, and the reader’s impression. The three judges were authors John P. Portelli, Rita Saliba, and publisher David Bezzina.
Leave a Reply